Պաղեստինը շուտով վերջնական պատասխան կտա Իսրայելի հետ բանակցելու ամերիկյան նախաձեռնությանը
Ռուսական ИТАР-ТАСС լրատվական գործակալության փոխանցմամբ՝ Պաղեստինի ազատազգրման կազմակերպության գործկոմն այսօր վերստին հավաքվում է Ռամալլահում՝ քննարկելու համար Իսրայելի հետ խաղաղ բանակցությունները վերականգնելու մասին ԱՄՆ պետնախարար Ջոն Քերիի նախաձեռնությանը:
Երեկ կազմավորվել է հատուկ հանձնաժողով, որը նախապատրաստելու է ամերիկյան առաջարկներին պատասխաններ տալը: Պաղեստինյան կազմակերպությունների մեծ մասը հանդես է գալիս առանց նախապայմանների բանակցային սեղանի շուրջ նստելու օգտին և պնդում է, որ Իսրայելն անպայմանորեն համաձայնություն տա 1967 թվականների սահմաններին վերադառնալուն:
Վաշինգտոնի նախաձեռնության նկատմամբ անվստահություն են ցուցաբերել ՖԱԹՀ շարժման Կենտրոնական կոմիտեի անդամները:
