Թուրքիայում ԱՄՆ դեսպանը բարձրացել է Արարատ լեռան գագաթը
Թուրքական Ihlas լրատվական գործակալության փոխանցմամբ՝ Անկարայում ԱՄՆ դեսպան Ֆրենսիս Ռիկիարդոնեն բարձրացել է Արարատ (թուրքական անվանումը՝ Աղրը) լեռան գագաթը՝ 5137 մետր:
Դեսպանը լեռը բարձրանալու գործընթացը սկսել է կիրակի և ավարտել է երեկ, ինչից հետո վերադարձել է Դողուբայազեթ (Բայազետ): Դեսպանը Արարատի գագաթին հասել է երեկ կեսօրին, ինչից հետո լուսանկարվել է այնտեղ: Դեսպանը լեռան գագաթից զննել է Թուրքիայի, Հայաստանի և Իրանի տարածքները:
