Եկատերինբուրգում ձերբակալվել է Դեդ Հասանի ազգականը
Life News-ի փոխանցմամբ՝ Եկատերինբուրգի ոստիկանությունը միջամտել է քրեական հեղինակությունների կազմակերպած «սխոդկային»՝ ձերբակալելով մի շարք «օրենքով գողերի»:
Հուլիսի 18-ին իրավապահները տեղեկատվություն են ստացել, որ սրճարաններից մեկում պետք է տեղի ունենա քրեական հեղինակությունների հանդիպում, ինչից հետո հատուկ գործողություն է ձեռնարկվել նշված հասցեով:
Եկատերինբուրգի ոստիկանությունը ձերբակալել է 1957 թվականին ծնված վրացական ծագմամբ Թեմուրի Միրզոևին, ով բնակվում է Մոսկվայում: Միրզոևը նախկինում չորս անգամ (ընդհանուր 13 տարի) դատապարտվել է և հայտնի է «Թիմուր Թբիլիսկի» մականվամբ:
«Օրենքով գող» Միրզոևը հատուկ «սխոդկային» մասնակցելու նպատակով Մոսկվայից ժամանել էր Եկատերինբուրգ: Նա հանդիսանում է այս տարվա հունվարին Մոսկվայում սպանված քրեական հեղինակություն Ասլան Ուսոյանի (Դեդ Հասան) ազգականը:
