Բայդենը չի բացառել, որ կարող է իր թեկնածությունն առաջադրել 2016 թվականի նախագահական ընտրություններում
Ամերիկյան GQ պարբերականին տված հարցազրույցի ժամանակ ԱՄՆ փոխնախագահ Ջոզեֆ Բայդենը չի բացառել, որ կարող է իր թեկնածությունն առաջադրել 2016 թվականին կայանալիք նախագահական ընտրություններում.
«Ես կարող եմ մահանալ երջանիկ՝ այդպես էլ երբևէ չզբաղեցնելով ԱՄՆ նախագահի պաշտոնը: Սակայն դա չի նշանակում, որ ես չեմ մասնակցելու ընտրություններին: Այդ որոշումը կախված կլինի բազում գործոններից:
Նախևառաջ արդյոք կունենա՞մ այդքան ուժ և էներգիա, որքան որ որ ունեմ ներկայումս: Եվ երկրորդ՝ արդյոք ես ինձ կհամարե՞մ լավագույն թեկնածու: Ես ունեմ երկու փոխնախագահների (Թոմաս Ջեֆերսոն և Ջոն Ադամս) օրինակ, որոնք դարձել են նախագահներ»:
Պարբերականն իր հերթին ընդգծել է, որ Բայդենը 2016 թվականի նախագահական ընտրություններում կառաջադրի իր թեկնածությունը, եթե դա չանի Դեմոկրատական կուսակցության գծով իր գործընկեր Հիլարի Քլինթոնը:
