G-20-ի անդամ երկրների ֆինանսների նախարարներն այսօր հավաքվում են Մոսկվայում
BBC Russian-ի փոխանցմամբ՝ G-20-ի անդամ երկրների ֆինանսների նախարարներն այսօր և վաղը երկօրյա բանակցություններ կանցկացնեն Մոսկվայում: Ակնկալվում է, որ հանդիպման քննարկման հիմնական թեմաներից մեկը լինելու է հարկերի վճարումից խուսափելու դեմ պայքարում համագործակցությունը:
Նախորդ ամիս G-8-ի երկրները պայմանավորվեցին, որ իրենց վերահսկած մարմիններն առավել օպերատիվ ձևով են փոխանակվելու տեղեկատվությամբ: Բացի այդ, նրանք պայմանավորվեցին պայքարել հարկերի վճարումից խուսափողների դեմ:
G-8-ի երկրներն այժմ փորձելու են ստանալ տվյալ հարցում արագ զարգացող տնտեսություն ունեցող երկրների աջակցությունը:
