Եգիպտոսի իշխանություններն առգրավել են թուրքական նավում հայտնաբերված զենքը. Al-Wafd
Եգիպտական Al-Wafd թերթի փոխանցմամբ՝ Եգիպտոսի իշխանությունները Պորտ Սաիդ նավահանգստում կալանել են թուրքական զենքով բեռնված մի նավ: Թերթի աղբյուրը հայտնել է, որ Եգիպտոսի անվտանգության ծառայությունը տեղեկատվություն է ստացել առևտրային նավերով թուրքական զենք Եգիպտոս մատակարարումների սկսվելու մասին:
Դրանից հետո ստուգումներ են անցկացվել Պորտ Սաիդ նավահանգիստ ժամանած թուրքական ACM ընկերության նավում, որի բեռնարկղերից մեկում հայտնաբերվել է 20.000 ատրճանակ և խլացուցիչ: Բանակի ու ոստիկանության խոշոր ուժերը շրջափակել են Պորտ Սաիդի արևելյան և արևմտյան նավահանգիստները: Ստուգումներ են սկսվել նաև թուրքական այլ նավերում:
Հիշեցնենք, որ Թուրքիան քանիցս դեմ է արտահայտվել Եգիպտոսի նախագահ Մոհամմեդ Մուրսիի գահընկեցությանը:
