Չինաստանին ունեցած ԱՄՆ-ի պարտքը հասել է ռեկորդային ցուցանիշի. Xinhua
Չինական Xinhua լրատվական գործակալության փոխանցմամբ՝ Չինաստանին ունեցած ԱՄՆ-ի պարտքը հասել է ռեկորդային ցուցանիշի՝ 1.3 տրիլիոն դոլարի: Նշվում է, որ Պեկինը նման արդյունքի է հասել այս տարվա մայիսին 25.2 միլիարդ դոլարով ԱՄՆ պարտատոմսեր գնելու շնորհիվ:
Տեղի փորձագետների խոսքերով՝ անվտանգության տեսանկյունից ամերիկյան պարտատոմսերը շարունակում են մնալ առավել գրավիչ ֆինանսական գործիքներից մեկը:
Չինաստանը ԱՄՆ գլխավոր վարկատու է դարձել 2008 թվականի սեպտեմբերին՝ շրջանցելով Ճապոնիային: Այն ժամանակ ամերիկյան պարտատոմսերի գնումը Պեկինին հնարավորություն տվեց ամրապնդել յուանը և աջակցել չինացի արտահանողներին:
