Բա 150 հազա՞րը. մամուլ
«Հայկական Ժամանակ» օրաթերթը գրում է. «ՀՀ կառավարությունն իր վաղվա նիստում կքննարկի մի որոշման նախագիծ, որով հարկային արտոնություն է տրվելու մի ընկերության: Արտոնության տալու հիմնավորումներից մեկն այն է, որ այդ ընկերությունը 60 աշխատատեղ է ստեղծելու:
Ամենաուշագրավն այն է, թե ինչ միջին աշխատավարձ է նախատեսել այդ ընկերությունը իր աշխատակիցների համար: 2014 թվականի համար 80 հազար, 2015 թվականի համար 90 հազար, 2016-ի համար՝ 95 հազար:
Բոլորովին վերջերս Սերժ Սարգսյանը հայտարարել էր, թե Հայաստանում ոչ ոք այլևս չի ուզում աշխատել 150 հազար դրամից պակաս աշխատավարձով: Բայց ստացվում է, որ կառավարության տեսակետից 80-90 հազար դրամ աշխատավարձով 60 աշխատատեղ բացելը այնքան հզոր առաջարկ է, որ կարելի է դրա համար հարկային արտոնություն տալ»:
