Մխիթարյանի հերթական գոլն ու Բորուսիայի հերթական հաղթանակը (տեսանյութ)
Գերմանիայի փոխչեմպիոն Դորտմունդի «Բորուսիան» շարունակում է մեկը մյուսի հետևից խոշոր հաշվով հաղթանակներ տանել ընկերական խաղերում: Քիչ առաջ Յուրգեն Կլոպի սաները 4:1 հաշվով առավելության հասան Շվեյցարական «Լյուցերնի» նկատմամբ:
Ընթացիկ տրանսֆերային պատուհանի ժամանակ դորտմունդյան ակումբ տեղափոխված Հայաստանի հավաքականի առաջատար Հենրիխ Մխիթարյանը երրորդ անընդմեջ հանդիպումն անցկացրեց «Բորուսիայի» կազմում և կրկին գերազանց դրսևորեց իրեն՝ 43-րդ րոպեին հաշիվը դարձնելով 3:1: Ընդմիջմանը Մխիթարյանը փոխարինվեց:
Հիշեցնենք, որ նախորդ խաղում Հենրիխը երկու գոլային փոխանցում էր կատարել, իսկ առաջին հանդիպման ժամանակ աչքի էր ընկել գոլով ու գոլային փոխանցմամբ:
