Հաջորդ շաբաթվանից նոր գնով կերթևեկենք. մամուլ
«Մինչև այս շաբաթվա վերջ Երևանի քաղաքապետարանը որոշում կընդունի ու կհայտարարի, թե որքան է թանկանալու ներքաղաքային տրանսպորտի ուղեվարձը: Ամենայն հավանականությամբ, այդ փոփոխությունը կլինի 50 տոկոսով: Այսինքն՝ միկրոավտոբուսների և ավտոբուսների գործող 100 դրամ սակագինը կդաոնա 150 դրամ:»,- գրում է «Հայկական Ժամանակ» օրաթերթը և շարունակում.
«Քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանը մեր թղթակցի հետ զրույցում փոխանցել է, որ ներքաղաքային երթուղիները սպասարկող տարբեր տնտեսվարողներ ուղեվարձի թանկացման վերաբերյալ քաղաքապետարան ներկայացրած իրենց հայտերում առաջարկել են ուղևորափոխադրումների գինը սահմանել 160-200 դրամ: Քաղաքային իշխանությունները, սակայն, մերժում են 100 տոկոսանոց թանկացումը:
«Հավանական է, որ դա կլինի 50 տոկոսով»,-ասել է Արթուր Գևորգյանը: Նաև հավելել. «Մենք խնդրում ենք, որ լինի մեկ ընդհանուր գին Երևանի համար»: Ասել է թե՝ չի լինի այնպես, որ ավտոբուսի համար մի ուղեվարձ սահմանվի, միկրոավտոբուսի համար՝ մեկ այլ»:
Ամբողջական հոդվածը կարող եք կարդալ «ՀԺ»-ի այսօրվա համարում:
