Վրաստանի արտգործնախարարն ու գլխավոր դատախազը վաղը կմեկնեն ԱՄՆ

Грузия Online-ի փոխանցմամբ՝ Վրաստանի արտգործնախարար Մայա Փանջիկիձեն, գլխավոր դատախազ Արչիլ Կբիլաշվիլին և մի շարք պատգամավորներ վաղը կմեկնեն ԱՄՆ:

Այս մասին այսօր լրագրողների հետ զրույցում հայտարարել է Վրաստանի փոխարտգործնախարար Դավիթ Զալկալիանին: Վերջինիս հաղորդմամբ՝ Փանջիկիձեն մասնակցելու է բարձր մակարդակի տասնյակ հանդիպումների և ելույթ է ունենալու տարբեր հասարակական կազմակերպություններում ու հետազոտական կենտրոններում:

Զալկալիանին հավելել է, որ վրացական պատվիրակությունն ամերիկյան կողմին տրամադրելու է սպառիչ տեղեկատվություն երկրում ընթացող քաղաքական գործընթացների մասին: