Հարավային Կորեայի ՊՆ-ն արգելել է շտաբ-բնակարանում սմարթֆոնների կիրառումը
Հարավկորեական Renhap լրատվական գործակալության փոխանցմամբ՝ Հարավային Կորեայի պաշտպանության նախարարությունն այսօրվանից սկսած արգելել է սմարթֆոնների և տեսախցիկով ու ինտերնետից օգտվելու հնարավորությամբ օժտված այլ սարքերի կիրառումը գերատեսչության շտաբ-բնակարանում:
ՊՆ-ի մամլո քարտուղար Կիմ Մինը հայտարարել է, որ տվյալ միջոցները ձեռնարկվել են՝ կանխելու համար նախարարությունից գաղտնի տեղեկատվության հնարավոր արտահոսքը:
ՊՆ-ի բոլոր աշխատակիցներին, որոնք ունեն սմարթֆոններ, հարկադրելու են դրանցում տեղադրել անվտանգության բաժնի մշակած հատուկ հավելվածը, որը կարգելափակի ինտերնետային զննարկիչները, տեսախցիկներն ու դիկտոֆոնը:
Այցելուներն ու տվյալ ծրագիրը չտեղակայած աշխատակիցները պետք է իրենց բջջային հեռախոսները թողնեն մուտքի մոտ:
