Գազալցակայաններն անբարեխղճությո՞ւն են անում. ՏՄՊՊՀ-ն դիտանցումներ կիրականացնի ԱԳԼՃԿ-ներում
168.am-ի խմբագրություն մի քանի վարորդներ ահազանգել են, որ գազալցակայաններում գազն անհամաչափ է թանկացել՝ ավելի քան 30%-ով, թեև գազի սակագինը հուլիսի 7-ից բարձրացել է ընդամենը 20%-ով (132 դրամից դարձել է 156 դրամ): Եթե նախկինում մեքենան լիցքավորելու համար վճարում էին մոտ 2400 դրամ, ապա հիմա վճարում են 3150 դրամ:
Տնտեսական մրցակցության պաշտպանության պետական հանձնաժողովի լրատվական ծառայությունից 168.am-ին հայտնեցին, որ հանձնաժողովի թեժ գծին նույնպես նման ահազանգեր ստացվել են: Թեև գազալցակայանների ոլորտում չկան գերիշխող դիրք ունեցող տնտեսվարողներ, սակայն հիմք ընդունելով քաղաքացիների բողոքները, այսօր ՏՄՊՊՀ նախագահ Արտակ Շաբոյանի որոշմամբ ստեղծվել է մոնիթորինգային խումբ, որը 2 օր կուսումնասիրի գազալցակայաններում տիրող իրավիճակը, կֆիքսի գները ու կարվեն եզրակացություններ:
