Շախտյորը շնորհակալություն է հայտնել Հենրիխ Մխիթարյանին
Դոնեցկի «Շախտյորն» իր պաշտոնական կայքում հայտարարություն է տեղեդրել Հենրիխ Մխիթարյանի` «Բորուսիա» տեղափոխության մասին:
«Դոնեցկի «Շախտյորը» և Դորտմունդի «Բորուսիան» համաձայնության են եկել Հենրիխ Մխիթարյանի` գերմանական ակումբ տեղափոխության բոլոր մանրամասների շուրջ: Հայ կիսապաշտպանի տրանսֆերային արժեքը կազմել է 27.5 մլն եվրո:
Մեր ակումբը շնորհակալություն է հայտնում Հենրիխին՝ «Շախտյորում» անցկացրած ժամանակի համար և մաղթում հաջողություններ»,- նշված է հայտարարության մեջ:
Նշենք, որ Մխիթարյանը «հանքափորների» կազմում խաղադաշտ է դուրս եկել 106 անգամ և դարձել 46 գոլի հեղինակ:
