Թուրքական ոստիկանությունը ցրել է «Գեզի» այգում ակցիա անցկացնելու փորձ ձեռնարկածներին
France-Presse լրատվական գործակալության փոխանցմամբ` թուրքական ոստիկանությունը հուլիսի 8-ին ցրել է Ստամբուլի «Գեզի» այգի ներթափանցել և դրա փակման դեմ բողոքի ակցիա կազմակերպելու փորձ ձեռնարկածներին:
Ցուցարարներին ցրելու համար ոստիկանությունը կիրառել է ջրցան մեքենաներ, արցունքաբեր գազ և ռետինե փամփուշտներ: Ցուցարարների ու ոստիկանների միջև բախման հետևանքով լրջորեն վիրավորվել է առնվազն մեկ մարդ:
Դրանից քիչ առաջ ոստիկանները «Գեզի» այգուց դուրս էին բերել մարդկանց և այն փակել էին այցելուների համար: «Գեզի» այգին հանրության համար փակվել է հունիսի 15-ից, երբ ոստիկանությունն այնտեղից դուրս մղեց երկրի կառավարության դեմ բողոքողներին:
