Վրաստանի նախագահական ընտրություններին իրավունք ունի մասնակցել ավելի քան 3.5 միլիոն մարդ
Civil Georgia-ի փոխանցմամբ` Վրաստանում կայանալիք նախագահական ընտրություններին մասնակցելու իրավունք ունեցողների քանակը կազմել է 3.537.249 մարդ: Այս մասին հայտարարել է Վրաստանի ԿԸՀ-ը: Վրաստանում առկա է 84 ընտրական օկրուգ, որից 10-ը բաժին են ընկել Թբիլիսիին:
Դրանցից խոշորագույնը Քութայիսի ընտրական օկրուգն է` 158.502 մարդ, իսկ ամենափոքրը` Կազբեկիի ընտրական օկրուգը` 5776 մարդ: Վրաստանում նախագահական ընտրություններն անցկացվելու են այս տարվա հոկտեմբերի 27-ին:
