Էրդողանի որոշմամբ` Թուրքիայից արտաքսվել է Ադրբեջանի 40 քաղաքացի
Haqqin.az-ի փոխանցմամբ` Թուրքիայից արտաքսվել է Ադրբեջանի մոտ 40 քաղաքացի, որոնք Ստամբուլում ու Անկարայում մասնակցել են բողոքի զանգվածային ակցիաների: Արտաքսված ադրբեջանցիներն ընդդիմադիրներ են և ակտիվորեն մասնակցել են բողոքի ակցիաներին: Այս մասին հայտարարել է Ստամբուլի միգրացիայի գլխավոր վարչության ներկայացուցիչը:
Վերջինիս խոսքերով` 40 ձերբակալված ադրբեջանցիների ճակատագրի հետ կապված` Թուրքիայի կառավարությունը դիմել է երկրում Ադրբեջանի դեսպանատուն` ընդգծելով, որ որոշել է պարզապես արտաքսել նրանց երկրից, թեև կարող էր ամեն տիպի պատիժներ սահմանել ձերբակալվածների նկատմամբ:
Haqqin.az-ի խմբագրությանը հայտնի է դարձել, որ Թուրքիայից արտաքսված ադրբեջանցիները հանդիսանում են Ադրբեջանի ընդդիմադիր կուսակցությունների ակտիվիստներ: