Կահիրեում լուրջ բախումներ են գրանցվել Մուրսիի հակառակորդների ու համակիրների միջև
BBC News-ի փոխանցմամբ` Կահիրեում լուրջ բախումներ են գրանցվել իշխանությունից հեռացված Եգիպտոսի նախագահ Մոհամմեդ Մուրսիի հակառակորդների ու համակիրների միջև: Հիմնական իրադարձությունները ծավալվել են «Թահրիր» հրապարակում:
Անկարգությունների մասնակիցները միմյանց վրա են նետել քարեր և ծխե ռումբեր: Նեղոսի վրա գտնվող կամրջի վրա տեղի ունեցած այդ բախման հետևանքով զոհվել է երկու և վիրավորվել է մոտ 70 մարդ: Այրվել է մեկ ավտոմեքենա: Նշվում է, որ հուլիսի 5-ին ողջ Եգիպտոսում անցկացված անկարգությունների հետևանքով զոհվել է 10 մարդ:
