Հենրիխ Մխիթարյանը տեղափոխվեց Դորտմունդի Բորուսիա
Հայաստանի հավաքականի առաջատար Հենրիխ Մխիթարյանը 3+1 տարով պայմանագիր է կնքել Դորտմունդի «Բորուսիայի» հետ: Այս մասին հաղորդում է Sport-express կայքը:
Աղբյուրի հաղորդմամբ` Չեմպիոնների լիգայի եզրափակչի մասնակիցները 24-ամյա հայ ֆուտբոլիստի համար Դոնեցկի «Շախտյորին» վճարել են 27.5 միլիոն եվրո:
Հիշեցնենք, որ Մխիթարյանի ծառայություններով հետաքրքրված էին նաև անգլիական «Լիվերպուլը», «Չելսին», «Տոտենհեմը», իտալական «Յուվենտուսը», ռուսական «Անժին» և Ֆրանսիայի չեմպիոն ՊՍԺ-ն:
