Ավտովթար՝ Աղվերանի ձորում
Հուլիսի 3-ին, ժամը 13.46-ին տեղեկություն է ստացվել, որ Կոտայքի մարզի Աղվերանի ձորը ավտոմեքենա է ընկել. կա տուժած, անհրաժեշտ է օգնություն: Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հագամանքներում «ՎԱԶ 2106» մակնիշի 35 VS0 78 պետհամարանիշով ավտոմեքենան (վարորդ՝ Վալերի Հայրապետյան ծնվ. 1983թ.) շրջվել է ձորը:
Մինչ հրշեջ-փրկարարների կանչի վայր հասնելը Վ.Հայրապետյանը շտապօգնության ավտոմեքենայով հոսպիտալացվել է Չարենցավան քաղաքի ԲԿ, որտեղ տուժածի վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան և դադարեցրել են գազի արտահոսքը:
Այս մասին տեղեկացնում է ԱԻՆ-ը:
