
Թբիլիսիի օդանավակայանում ՀՀ և ՌԴ քաղաքացիներից առգրավվել է 80 հատ iPhone5

Грузия Online-ի փոխանցմամբ` հուլիսի 2-ին Թբիլիսիի օդանավակայանում հայտնաբերվել է iPhone տիպի 80 չհայտարարագրված հեռախոս: Նշվում է, որ Դուբայ-Թբիլիսի չվերթով Վրաստանի մայրաքաղաք է ժամանել Հայաստանի քաղաքացի Բորիս Բ.-ն, որին դիմավորել է Հայաստանի քաղաքացի Աշոտ Ա.-ն, ով դիմավորել է նաև Ռուսաստանի քաղաքացի Նուրիժատ Ա.-ին:
Սակայն մաքսային դեպարտամենտի աշխատակիցները նրանց ուղեբեռում հայտնաբերել են չհայտարարագրված ապրանք` 80 հատ iPhone5 և 1 հատ APPLE IPAD: Փորձաքննության գնահատմամբ` տվյալ ապրանքի արժեքը կազմում է 87.167 լարի: