Հոսնի Մուբարաքը Մոհամմեդ Մուրսիին կոչ է արել հետևել իր օրինակին
Al Arabiya թերթի փոխանցմամբ` Եգիպտոսի նախկին նախագահ Հոսնի Մուբարաքը, ով հրաժարական է տվել ժողովրդական հուզումների հետևանքով, գործող նախագահ Մուհամմեդ Մուրսիին կոչ է արել հետևել սեփական օրինակին:
Մուբարաքի խոսքերով` Մուրսիի դեմ բողոքի մասշտաբները զգալիորեն գերազանցում են նրան, ինչին նա բախվեց 2011 թվականին, ինչի համար էլ գործող նախագահը պետք է հեռանա զբաղեցրած պաշտոնից` «հանուն Եգիպտոսի ժողովրդի»:
Մուբարաքն ընդգծել է, որ երկու տարի առաջ (2011 թվականի փետրվարի սկզբին) որոշում է ընդունել հրաժարական տալու համար, որպեսզի կանխի արյունահեղությունը` թեև այդ ժամանակ արդեն ավելի քան 30 տարի էր, ինչ նա զբաղեցնում էր տվյալ պաշտոնը:
