Եգիպտոսի զինվորականները 48 ժամ են տվել քաղաքական բոլոր ուժերին
Բրիտանական Reuters լրատվական գործակալության փոխանցմամբ` Եգիպտոսի զինված ուժերի Բարձրագույն խորհրդի ղեկավարությունն այսօր վերջնագիր է ներկայացրել երկրի բոլոր քաղաքական գործիչներին: Այն ընթերցվել է պետական հեռուստատեսությամբ:
Դրանում ասվում է, որ երկրի քաղաքական ուժերին տրվում է 48 ժամ` կատարելու համար եգիպտական ժողովրդի պահանջները: Հակառակ դեպքում զինվորականները խոստացել են միջամտել ստեղծված իրավիճակին և երկրի բնակիչներին առաջարկել ապագայի համար սեփական «ճանապարհային քարտեզ»:
Ակնկալվում է, որ մոտակա ժամերին երկրի քաղաքացիներին դիմելու է նախագահ Մուհամմեդ Մուրսին, ում հրաժարականին ձգտում են հասնել Կահիրեում և երկրի այլ քաղաքներում բողոքի ակցիա անցկացնողները:
