«ՏաԹևեր»-ը նոր ծառայություններ կմատուցի
«ՏաԹևեր» ճոպանուղին զբոսաշրջիկներին այսուհետ կառաջարկի հեծանվային զբոսանք, հետիոտն շրջագայություն, աուդիո զբոսավար, ժայռագնացություն, օդապարիկների վարձույթ, հուշանվերների կրպակներ և այլ ծառայություններ։ Ինչպես փոխանցում է Tert.am-ը, այս մասին այսօր զբոսաշրջային ընկերությունների ներկայացուցիչների հետ հանդիպման ժամանակ ասել է «ՏաԹևեր» ճոպանուղու տնօրեն Վահան Մելիքսեթյանը։
«Ստեղծման օրվանից մինչ այսօր մոտ 150 000 հաճախորդ է ունեցել «ՏաԹևերը»։ Շահույթից ստացված միջոցներն ուղղվում են վանական համալիրի վերականգնմանը և շրջակա գյուղերի զարգացմանը»,- ասել է նա՝ հավելելով, որ այցելուների թվի մոտ 10-14% աճ է նկատվել։ Վահան Մելիքսեթյանը մանրամասնել է, որ այցելուների 65%-ը տեղացիներ են, 35%-ը՝ արտասահմանցիներ։
Ճոպանուղու տնօրենը նաև նշել է, որ այս տարի ճոպանուղու տոմսի արժեքը չի փոխվելու։
Ամբողջական հրապարակումը՝ Tert.am-ում
