«Հարսնաքարի» գործով նիստը հետաձգվեց
Այսօր Ավան և Նոր Նորք վարչական շրջանների ընդհանուր իրավասության դատարանում հետաձգվեց «Հարսնաքարի» գործով դատական հերթական նիստը:
Հիշեցնենք, որ նիստի ընթացքում պետք է հարցաքննվեին գործով նոր վկաներ, որոնք դատարան էին հրավիրվել գործով տուժողների ներկայացուցիչներ Տիգրան Եգորյանի և Լուսինե Հակոբյանի միջնորդությամբ: Դատարանը չուներ նաև փաստաթուղթ, որը կհավաստեր, որ նրանք ծանուցված են եղել:
Հաջորդ դատական նիստը տեղի կունենա հուլիսի 2-ին: Նիստի ընթացքում կհարցաքննվեն «Հարսնաքար» ռեստորանային համալիրի պահակներ Խաչատուր Սարգսյանն ու Կառլեն Ստեփանյանը:
