Վրաստանն ավելի է մերձեցել ՆԱՏՕ-ին. Ռասմուսեն
Новости-Грузия-ի փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենը երեկ Թբիլիսիում հայտարարել է, որ Վրաստանը հանդիսանում է օրինակելի գործընկեր, և նա ավելի է մոտեցել դաշինքին.
«Վերջին տարին Վրաստանը ցուցաբերել է ժողովրդավարական բարեփոխումների հանդեպ հավատարմությունը: Վրաստանն իր ներդրումն է ունեցել Աֆղանստանում տարվող խաղաղապահ օպերացիաներում (ISAF):
Հուսով եմ, որ այս տարվա հոկտեմբերին կայանալիք նախագահական ընտրությունները կանցկացվեն ժողովրդավարական բարձր չափորոշիչներով: Մենք կհետևենք ընտրությունների ընթացքին, և Վրաստանը կարող է հույս կապել ՆԱՏՕ-ի աջակցության հետ:
ՆԱՏՕ-ի դռները բաց են Վրաստանի համար: Վրաստանը կդառնա դաշինքի անդամ, եթե բավարարի բոլոր պահանջներին: Կարող եմ ասել, որ Վրաստանն ավելի է մոտեցել ՆԱՏՕ-ին»:
Վրաստանի վարչապետ Բիձինա Իվանիշվիլին իր հերթին չի բացառել, որ ISAF-ի ուժերը հաջորդ տարի կարող են Աֆղանստանը լքել Վրաստանի տարածքով:
