Էրդողանի այցը Գազա կհամախմբի ՀԱՄԱՍ-ին ու ՖԱԹՀ-ին. Իսմայիլ Հանիա
Թուրքական Sabah թերթին տված հարցազրույցի ժամանակ Գազայի հատվածի կառավարության ղեկավար Իսմայիլ Հանիան անդրադարձել է Թուրքիայի վարչապետ Ռեջեփ Էրդողանին առաջիկա այցին Գազա.
«Էրդողանի այցը Գազա կնպաստի «ՀԱՄԱՍ» և «ՖԱԹՀ» շարժումների միջև պայմանավորվածության ձեռք բերմանը՝ կապված միասնական կառավարության ձևավորման հետ:
Գազայի բնակիչներն առանձնահատուկ ոգևորությամբ են սպասում Էրդողանի գալստյանը: Այդ այցի ստույգ ժամկետը դեռ հայտնի չէ, սակայն Գազայի կառավարությունը սպասում է դրան ցանկացած պահի»:
Ավելի վաղ Էրդողանը հայտարարել էր, որ Գազա կայցելի հունիսի սկզբին, սակայն այդ այցը հետաձգվել էր:
