Մեղադրվում է իր անչափահաս կնոջ հետ սեռական հարաբերություններ ունենալու համար
Անչափահասի հետ ամուսնանալու և սեռական հարաբերություններ ունենալու հերթական գործը վարույթ է ընդունվել Արարատի և Վայոց Ձորի մարզի ընդհանուր իրավասության դատարանում:
28-ամյա Գևորգ Բաբաքյոխվյանը 2012թ. հոկտեմբերին փաստացի ամուսնացել է Մասիս քաղաքի բնակչուհի, 16-ամյա Արմինե Նահապետյանի հետ։ Համատեղ կյանքի ընթացքում իր անչափահաս կնոջ հետ սեռական հարաբերություն ունենալու համար Գևորգ Բաբաքյոխվյանը հայտնվել է մեղադրյալի աթոռին։ Նրան մեղադրանք է առաջադրվել ՀՀ քրեական օրենսգրքի 141-րդ հոդվածով, իսկ որպես խափանման միջոց ընտրվել չհեռանալու մասին ստորագրությունը:
