Ծառուկյանը ոնց ասի. մամուլ
«Ժողովուրդ» օրաթերթը գրում է. «ԱԺ ԲՀԿ խմբակցության անդամ Հարություն Ղարագյոզյանից (Կարամելի Հարութ) «Ժողովուրդը» փորձեց պարզել՝ արդյոք ինքը կարողանում է հանդիպել ԲՀԿ առաջնորդ Գագիկ Ծառուկյանի հետ, քանի որ վերջին ժամանակներս Ծառուկյանը շատ «փակ» է գործում:
«Նման բան չկա, ես առաջին անգամ եմ լսում, բացարձակապես նման բան չկա»,- ասաց նա: Մեր դիտարկմանը, թե ինքը՝ Ղարագյոզյանը, քաղաքական ինչ հայացքներ ունի, արդյոք ցանկանում է, որ ԲՀԿ-ն հայտարարի ընդդիմություն դառնալու մասին, պատասխանեց. «Գագիկ Ծառուկյանը հարցազրույց տվել ու այդ հարցին պատասխանել է, նորմալ է, կուսակցությունն է որոշել, կուսակցությունը որևէ խնդիր չունի՝ Գ. Ծառուկյան հետ հանդիպելու հետ կապված, ով որ պահին ուզում է կարող է հանդիպել»»:
