Թուրքիան Սև ծովում ածխաջրածինների որոնման վրա ծախսել է 2.5 միլիարդ դոլար
Թուրքական Zaman թերթի փոխանցմամբ՝ Թուրքիան ցայժմ Սև ծովում նավթ և գազ հայտնաբերելու ուղղությամբ իրականացված աշխատանքների վրա ծախսել է 2.5 միլիարդ դոլար: Այս մասին հայտարարել է Թուրքիայի էներգետիկայի ու բնական պաշարների նախարար Թաներ Յըլդըզը.
«Թուրքիան մտադիր է հետագայում նույնպես նավթի ու գազի որոնման աշխատանքներ իրականացնել Սև ծովի ջրատարածությունում, քանի որ վստահ է, որ ծովի թուրքական ու ուկրաինական հատվածները հարուստ են ածխաջրածինների պաշարներով:
Հետագա 10 տարիներին Թուրքիայում կրկնակի աճելու է էներգակիրների պահանջարկը, ինչը երկրին հարկադրում է որոնել նոր աղբյուրներ և մատակարարման երթուղիներ»:
