Եվրախորհրդարանի ընդունած հակաթուրքական որոշումն անիմաստ է. Էգեմեն Բաղըշ
Թուրքական Yeni Şafak թերթի փոխանցմամբ՝ Թուրքիայի՝ Եվրամիության հարցերով պետնախարար և ԵՄ-ին Թուրքիայի լիիրավ անդամակցության գծով գլխավոր բանագնաց Էգեմեն Բաղըշն արձագանքել է Թուրքիայի վերաբերյալ Եվրախորհրդարանի ընդունած բանաձևին:
Եվրախորհրդարանն այդ բանաձևն ընդունել է Թուրքիայում ընթացող բողոքի ակցիաներին ֆոնին և ընդգծել է, որ Թուրքիան ոտնահարում է ցուցարարների իրավունքները:
Դրա հետ կապված՝ Բաղըշը հայտարարել է. «Թուրքիայի շահերի դեմ ուղղված Եվրախորհրդարանի որոշումը չունի որևէ իմաստ: Թուրքիան ժողովրդավարական երկիր է, և նա դարձել է օրինակելի՝ ԵՄ-ի երկրների համար»:
Բաղըշից առաջ էլ Եվրախորհրդարանի հակադարձել էին Թուրքիայի վարչապետ Ռեջեփ Էրդողանն ու արտգործնախարար Ահմեթ Դավութօղլուն:
