Փանջիկիձեն ողջունել է առաջիկայում ՌԴ-ի կողմից վիզային ռեժիմի դյուրացման մասին Կարասինի հայտարարությունը
Грузия Online-ի փոխանցմամբ՝ Վրաստանի արտգործնախարար Մայա Փանջիկիձեն ողջունել է Ռուսաստանի փոխարտգործնախարար Գրիգորի Կարասինի երեկվա հայտարարությունը՝ կապված Վրաստանի հետ վիզային ռեժիմի դյուրացման հետ.
«Դա Աբաշիձե-Կարասին բանակցությունների արդյունքն է: Դա տվյալ ձևաչափի արդեն երկրորդ նկատելի հաջողությունն է (նկատի է առնվում վրացական գյուղմթերքի վերադարձը ռուսական շուկա): Կարծում եմ, որ արված հայտարարությունը իսկապես կիրագործվի, և Վրաստանի քաղաքացիների համար ավելի կհեշտանա Ռուսաստան մեկնելը»:
Նշվում է, որ Կարասինը երեկ հայտարարել է, որ Ռուսաստանը պատրաստ է մոտ ապագայում մշակել Վրաստանի հետ վիզային ռեժիմի դյուրացման մասին համաձայնագիր՝ թեև դեռ վաղ է խոսել դրա ամբողջովին վերացման մասին:
