ԿՀՎ փոխտնօրենը հրաժարական է տվել
Ամերիկյան Associated Press լրատվական գործակալության փոխանցմամբ՝ Կենտրոնական հետախուզական վարչության (ԿՀՎ) փոխտնօրեն Մայքլ Մորելը հրաժարական է տվել: Մորելը ԿՀՎ-ում էր աշխատում 1980 թվականից, իսկ փոխտնօրենի պաշտոնում գտնվել է վերջին երեք տարվա ընթացքում:
2012 թվականի նոյեմբերից մինչև 2013 թվականի մարտն ընկած ժամանակահատվածում ժամանակավորապես կատարել է ԿՀՎ-ի տնօրենի պարտականությունները, ինչը թափուր էր մնացել Դևիդ Պետրեուսի հրաժարականից հետո:
Սպիտակ տունը հայտարարել է, որ ԿՀՎ-ի նոր փոխտնօրեն է նշանակվել Ավրիլ Հեյնսը, ով ավելի վաղ աշխատել է Ազգային անվտանգության գործակալությունում՝ որպես իրավական խորհրդատու: Մորելի հրաժարականի պաշտոնական պատճառների մասին ոչինչ չի նշվում:
Ամեն դեպքում նրա հրաժարականը համընկել է ԱՄՆ հատուկ ծառայությունների գաղտնի ծրագրի (քաղաքացիներին համացանցում հետևել և նրանց հեռախոսազրույցները գաղտնալսել) բացահայտման մասին հրապարակումների հետ:
