Քեմալ Քըլըչդարօղլուն Աբդուլլահ Գյուլին կոչ է արել գումարել կուսակցապետերի ժողով
Թուրքական Zaman թերթի փոխանցմամբ՝ ընդդիմադիր «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուն անցած գիշեր հրավիրել է կուսակցական արտահերթ խորհրդաժողով՝ կապված Ստամբուլի «Թաքսիմ» հրապարակում կատարվող իրադարձությունների հետ:
Խորհրդաժողովը տևել է 3 ժամ, դրա ավարտից հետո Քըլըչդարօղլուն նախագահ Աբդուլլահ Գյուլին կոչ է արել հրավիրել երկրի բոլոր քաղաքական կուսակցությունների ղեկավարների մասնակցությամբ հանդիպում:
Քըլըչդարօղլուն նաև ընդգծել է, որ Թուրքիայում տեղի ունեցող իրադարձությունները բացասաբար են ազդում երկրի տնտեսության վրա: Նա հավելել է, որ Թուրքիան պետք է հնարավորինս շուտ դուրս գա ստեղծված իրավիճակից:
