Իրաքում գրանցված պայթյուններից զոհվել է 10 մարդ
Al Jazeera հեռուստաալիքի փոխանցմամբ՝ այսօր մի շարք ահաբեկչություններ են իրականացվել Բաղդադից հյուսիս ընկած տարածքում: Դրա հետևանքով զոհվել է առնվազն 10 և վիրավորվել է 20 մարդ:
Էն-Նահիա բնակավայրի շուկայում պայթեցվել է պայթուցիկով լի երեք ավտոմեքենա: Բնակավայրը գտնվում է Բաղդադից 60 կիլոմետր հեռավորության վրա: Տեղի ունեցածի մանրամասները պարզվում են:
