Ադրբեջանը պատրաստ է գազ վաճառել Հայաստանին. Ռովնագ Աբդուլաև (տեսանյութ)
Ադրբեջանական ANS հեռուստաալիքին տված հարցազրույցի ժամանակ Ադրբեջանի Հանրապետության պետական նավթային ընկերության (SOCAR) նախագահ Ռովնագ Աբդուլաևը տեղական ԶԼՄ-ների բնորոշմամբ սենսացիոն հայտարարություն է արել: Նա, մասնավորապես, չի բացառել, որ իրենք կարող են գազ վաճառել Հայաստանին.
«Ադրբեջանը կարող է գազ մատակարարել Հայաստանին: Եթե Հայաստանը գազի հարցում օգնության խնդրանքով դիմի մեզ, ապա անկասկած է, որ մենք նրանց կօգնենք գազային հարցում: Ադրբեջանը գիտակցում է իր տարածաշրջանային դերը»:
Նշվում է, որ ներկայումս Ադրբեջանը Վրաստանին 1000 խորանարդ մետր գազը վաճառում է 230 դոլարով:
