Մենք պետք է կարողանանք կարգավորել Ռուսաստանի հետ հարաբերությունները. Իվանիշվիլի
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին հայտարարել է, որ ակնկալիքներ ունի հունիսի 5-ին Պրահայում Զուրաբ Աբաշիձեի ու Գրիգորի Կարասինի միջև կայանալիք հանդիպումից՝ կապված Գորիի շրջանի Դիցի գյուղում ստեղծված իրավիճակի կարգավորման հետ.
«Անհրաժեշտ է համբերել, և ամեն ինչ կպարզվի: Մենք պետք է կարողանանք կարգավորել Ռուսաստանի հետ հարաբերությունները: Դա հեշտ գործ չէ: Հնարավոր է՝ հունիսի 5-ին ամեն ինչ պարզվի:
Ամեն դեպքում ես կարծում եմ, որ տեղի է ունեցել թյուրիմացությունը, հնարավոր է՝ ինչ-որ սադրանք: Վրաստանի կառավարությունը կօգնի հակամարտության գոտուն սահմանակից գյուղերում բնակվողներին»:
