Իրաքում երեկվա պայթյուններից զոհվել է առնվազն 40 մարդ
Ամերիկյան Associated Press լրատվական գործակալության փոխանցմամբ՝ մայիսի 29-ին Իրաքում գրանցված պայթյունների հետևանքով զոհվել է նվազագույնը 40 և վիրավորվել է մոտ 100 մարդ:
Բաղդադի Ջիհադ թաղամասում զոհվել է 18 և վիրավորվել է 42 մարդ: Ընդ որում, այստեղ պայթուցիկով լի ավտոմեքենան պայթեցվել է այն ժամանակ, երբ նրա մոտով անցնելիս է եղել հարսանեկան ավտոշարասյունը:
Մայիսին Իրաքում պայթյուններից ու զինված հարձակումներից զոհվել է ավելի քան 500 մարդ:
