Իրանի արտգործնախարարը կոչ է արել Սիրիայի հարցում ցուցաբերել նոր նախաձեռնություններ
Իրանական IRNA լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին Թեհրանում Սիրիայի վերաբերյալ անցկացված միջազգային կոնֆերանսի շրջանակներում հանդիպել է իր իրաքցի գործընկեր Հոշիյար Զեբարիի հետ:
Հանդիպման ժամանակ Սալեհին տարբեր երկրների կոչ է արել նոր նախաձեռնություններ ցուցաբերել՝ Սիրիական ճգնաժամը լուծելու համար: Սալեհին հավելել է, որ Իրանը ողջունում է նոր նախաձեռնությունների կիրառումը՝ Սիրիական ճգնաժամի կարգավորմանն օգնելու համար:
Իրաքի արտգործնախարարն իր հերթին շնորհակալություն է հայտնել Իրանին՝ Սիրիական ճգնաժամի կարգավորման ուղղությամբ անդադար ջանքեր գործադրելու համար:
