Ջոն Մաքքեյնը Թուրքիայով մուտք է գործել Սիրիայի տարածք
Ռուսական Интерфакс լրատվական գործակալության փոխանցմամբ՝ ամերիկացի հանրապետական սենատոր Ջոն Մաքքեյնը Թուրքիայի միջոցով երեկ մուտք է գործել Սիրիայի տարածք:
Մաքքեյնը սիրիացի ապստամբների կողմից վերահսկվող տարածքում հանդիպել է Սիրիական ազատ բնակի գլխավոր շտաբի ղեկավար Սալիմ Իդրիսի և զինված ընդդիմության այլ առաջնորդների հետ:
Դրանով իսկ Ջոն Մաքքեյնը դարձել է ԱՄՆ-ի իշխանությունների ամենաբարձրաստիճան ներկայացուցիչը, ով հանդիպել է սիրիացի ապստամբների հետ: Նշվում է, որ Մաքքեյնը Սիրիա է ժամանել իրավիճակն իր անձնական հսկողության տակ վերցնելու նպատակով:
Մաքքեյնը հանդես է գալիս Սիրիական հակամարտությունում ԱՄՆ-ի դերակատարության ակտիվացման օգտին: Նա մասնավորապես կոչ է արել ոչնչացնել Սիրիայի նախագահ Բաշար Ասադի ավիացիան և զենք մատակարարել սիրիացի ապստամբներին:
