Բաղդադում ու շրջակայքում գրանցված պայթյունների հետևանքով զոհվել է ավելի քան 80 մարդ
Ռուսական ИТАР-ТАСС լրատվական գործակալության գործակալության փոխանցմամբ՝ երեկ Բաղդադում ու նրա արվարձաններում գրանցված արյունալի ահաբեկչությունների հետևանքով զոհվել է 82 և վիրավորվել է 130 մարդ:
Իրաքի ուժային կառույցների ներկայացուցիչների տվյալներով՝ մայրաքաղաքում ու նրա մերձակայքում պայթեցվել է 14 պայթուցիկով լեցուն ավտոմեքենա և 4 պայթուցիկ սարք:
Զինյալների կողմից հարձակումներն իրականացվել են գերազանցապես շիաներով բնակեցված շրջաններում՝ մարդկանցով լեցուն շուկաներում և առևտրային փողոցներում:
Մայիսին Իրաքում պայթյունների հետևանքով զոհվել է ավելի քան 400 մարդ:
