2012 թվականին Վրաստանում գործազրկության մակարդակը կազմել է 15 տոկոս
Грузия Online-ի փոխանցմամբ՝ 2012 թվականին Վրաստանում գործազրկության մակարդակը նվազել է 0.1 տոկոսով՝ համեմատած 2011 թվականի հետ, և կազմել է 15 տոկոս: Այս մասին հայտնել է Վրաստանի վիճակագրական վարչությունը:
Վերջինիս հաղորդմամբ՝ 2012 թվականի բնակչության ակտիվության մակարդակն աճել է 1.7 տոկոսով, իսկ զբաղվածության մակարդակը՝ 1.4 տոկոսով: Ընդ որում, ակտիվության ու զբաղվածության մակարդակի աճ գրանցվել է թե՛ գյուղերում, թե՛ քաղաքներում:
Գործազրկության մակարդակը համեմատաբար ցածր է գյուղերում, թեև նախորդ տարի այստեղ այն աճել է 0.5 տոկոսով, մինչդեռ քաղաքներում այն նվազել է 0.3 տոկոսով: 2012 թվականին գործազրկության մակարդակը 0.6 տոկոսով անկում է ապրել տղամարդկանց շրջանում, իսկ կանանց շրջանում այն աճել է 0.7 տոկոսով:
