Ադրբեջանում չինովնիկներին կարգելեն ստանալ գիտական աստիճաններ
Haqqin.az-ի փոխանցմամբ՝ Ադրբեջանում չինովնիկներին կարգելեն ստանալ գիտական աստիճաններ: Այս մասին հայտարարել է Գիտությունների ազգային ակադեմիայի թղթակից անդամ, Աշխարհագրության ինստիտուտի տնօրեն Ռամիզ Մամեդովը:
Վերջինիս խոսքերով՝ տվյալ նախաձեռնությունն արդեն իսկ քննարկվել է ակադեմիայի ղեկավարությունում և ստացել է աջակցություն: Դեռ հայտնի չէ, թե երբ պաշտոնապես կհաստատվի դա:
Մամեդովն ընդգծել է, որ չինովնիկնը բավական շատ են պաշտպանում ատենախոսություններ և դրա հետ մեկտեղ հաճախ ազդում են համապատասխան հանձնաժողովի որոշման վրա: Արգելքի ներդրումից հետո նախատեսված են որոշակի բացառություններ:
Գիտական աստիճանի ստացումը նախկինի նման հնարավոր կլինի, եթե ատենախոսության հիմնական մասը ներկայացվել է դեռևս ասպիրանտուրայում, ինչպես նաև այն դեպքում, եթե մարդը մեկ տարով դադարեցնում է պետական ծառայությունը՝ գտնվելով ստեղծագործ արձակուրդի մեջ:
