Ուկրաինան պատրաստ է Ռուսաստանին զիջել իր գլխավոր գազատարների նկատմամբ վերահսկողությունը. աղբյուր
Коммерсантъ-Украина թերթի փոխանցմամբ՝ Ուկրաինայի իշխանությունները պատրաստ են Ռուսաստանին զիջել երկրի գլխավոր (մագիստրալային) գազատարների նկատմամբ վերահսկողությունը՝ ռուսական գազի գնի նվազեցման դիմաց:
Այս մասին թերթին հայտնել է հանգստյան օրերին Սոչիում Ռուսաստանի ու Ուկրաինայի նախագահներ Վլադիմիր Պուտինի ու Վիկտոր Յանուկովիչի միջև անցկացված բանակցություններին մոտ կանգնած աղբյուրը:
Աղբյուրի տվյալներով՝ խոսքը գնում է մի կոնսորցիումի ստեղծման մասին, որը կվերահսկի Ուկրաինայի գազատրանսպորտային համակարգը: Ենթադրվում է, որ նրա առանցքային մասնակիցը կդառնա ռուսական «Գազպրոմը»:
