Բաքվի զորավարժարանում պայթյուն է տեղի ունեցել. կա վիրավոր
Ադրբեջանական APA լրատվական գործակալության փոխանցմամբ՝ Բաքվում ընթացող զորավարժությունների ժամանակ գրանցվել է պայթյուն: Միջադեպը տեղի է ունեցել մայիսի 25-ին, Պաշտպանության նախարարության զորավարժարաններից մեկում:
Վարժանքներից հետո զորավարժարանում իրականացվել են չպայթած ականների վնասազերծման ու տարածքի մաքրման աշխատանքներ: Դրանց ժամանակ էլ զինամթերքը պայթել է 1994 թվականին ծնված զինծառայող Հասանլը Վյուսալ Ազադօղլուի ձեռքում:
Ադրբեջանի պաշտպանության նախարարության մամուլի ծառայության պետի տեղակալ Թեյմուր Աբդուլաևը հաստատել է զինվորի վիրավորվելու փաստը:
