Իրանը ծավալել է մեծ քանակությամբ բալիստիկ հրթիռներ (տեսանյութ)
Իրանական Tehran Times թերթի փոխանցմամբ՝ Իրանի պաշտպանության նախարարությունը 2013 թվականի մայիսի 26-ին ծավալել է մեծ հեռահարությամբ բազմաթիվ բալիստիկ հրթիռներ: Այս մասին հայտարարել է Պաշտպանության նախարար, գեներալ Ահմադ Վահիդին:
Բոլոր համալիրներն արտադրվել են իրանական Ավիացիոն արդյունաբերության կազմակերպության (AIO) կողմից: Վահիդին հայտարարել է, որ հրթիռային համալիրների զանգվածային մատակարարումն Իրանի հզորության և սեփական ռազմավարական զենքի նախագծման ու արտադրման կարողության ցուցադրումից բացի, ի ցույց է դնում նաև այն, որ Իրանն ունակ է վարել զանգվածային կրակ, որն ունակ է կործանել ագրեսիվ հակառակորդի բազում հրթիռները:
Վահիդին, սակայն, չի թվարկել հակառակորդների անունները: Նա ընդգծել է, որ Իրանը պատերազմ չի սանձազերծի, սակայն դրա հետ մեկտեղ թույլ չի տա, որ իր հանդեպ ձեռնարկվի ագրեսիա և թշնամական ակտ:
