ԵԱՀԿ գործող նախագահը հունիսի կեսերին կժամանի Հարավային Կովկաս
Ադրբեջանական APA լրատվական գործակալության փոխանցմամբ՝ ԵԱՀԿ գործող նախագահ, Ուկրաինայի արտգործնախարար Լեոնիդ Կոժարան Ադրբեջան է մեկնելու հունիսի 17-ին:
Այս մասին գործակալությանը հայտնել է դիվանագիտական աղբյուրը: Վերջինիս հաղորդմամբ՝ Կոժարան Բաքվում մի շարք հանդիպումներ է անցկացնելու Ադրբեջանի ղեկավարության հետ:
Այդ հանդիպումներում քննարկվելու են ԵԱՀԿ-ի ու Ադրբեջանի միջև համագործակցությանն առնչվող հարցեր, Ղարաբաղյան հակամարտության շուրջ ստեղծված իրավիճակն ու դրա կարգավորման ուղիները:
Կոժարայի ադրբեջանական այցն ավարտվելու է հունիսի 18-ին: Դրանից հետո նա կմեկնի Վրաստան, ապա՝ Հայաստան: Կոժարայի հարավկովկասյան այցն ավարտվելու է հունիսի 20-ին:
