Թուրքիան ազատ տնտեսական գոտիներ է ստեղծելու Հորդանանում
Թուրքական Dünya թերթի փոխանցմամբ՝ Թուրքիան մտադիր է երկու ազատ տնտեսական գոտի ստեղծել Հորդանանի Ակաբե և Ալ-Մաֆրեկ նահանգներում: Այդ մասին որոշումն ընդունվել է այս տարվա մարտին, երբ Հորդանանի թագավոր Աբդալլահ Բեն Հուսեինն այցելեց Թուրքիա:
Ազատ տնտեսական գոտիների ստեղծումից հետո դրանցում գործող թուրքական ընկերությունները ենթակառուցվածքային նախագծեր իրագործելիս կստանան առավելություններ:
Բացի այդ, նրանք կարող են օգտվել նաև այլ արտոնություններից՝ կապված Մերձավոր Արևելքի ու Հյուսիսային Աֆրիկայի երկրների հետ առևտուր անելու հետ:
Ակնկալվում է, որ ազատ տնտեսական գոտիների ստեղծումից հետո Հորդանանում թուրքական ընկերությունների ներդրումները կարճ ժամանակահատվածում կհասնեն մինչև մեկ միլիարդ դոլարի:
