Կաննի կինոփառատոնի ամենատգեղ զգեստները (լուսանկարներ)
Սովորաբար Կաննի կինոփառատոնին աստղերը ներկայանում են հետաքրքիր ու պատրաստված տեսքով: Իհարկե, միշտ լինում են նաև աստղեր, ովքեր ներկայանում են ծիծաղելի տեսքով: eg.ru կայքը կազմել է այն աստղերի ցանկը, ովքեր 2013-ի կինոփառատոնին նման տեսքով են ներկայացել: Կայքի առաջին հորիզոնականում գրող Լենա Լենինան է: Իր զգեստով ու սանրվածքով Լենա Լենինան զարմացրեց փառատոնի մասնակիցներին ու լուսանկարիչներին:
Հոլիվուդյան դերասանուհի Քրիսթեն Դանսթը ևս կայքի կազմած ցուցակում է: Ի դեպ, դերասանուհին առաջին անգամ չէ, որ հայտնվում է ամենավատ հագնված անձանց ցուցակում: Բելառուս մոդել Օլգա Սորոկինան, ով կինոփառատոնի ընթացքում մշտապես առանձնացել է իր լավ մշակված կերպարներով, այս անգամ հիասթափեցրել է փառատոնի մասնակիցներին: Չինացի դերասանուհի Բայ Լին ևս ընդգրկված է ամենատգեղ զգեստ կրած աստղերի ցանկում: Այս դերասանուհին մշտապես առաջնորդվում է հետևյալ սկզբունքով՝ որքան շատ է մարմինը բաց, այնքան լավ: Այս անգամ, սակայն, դերասանուհուն չի հաջողվել նույնիսկ գեղեցիկ զգեստ ընտրել: Զարմանալի է, բայց ցանկում ընդգրկվել է նաև լեգենդար դիզայներ Ռոբերտո Կավալիի կինը՝ Եվա Կավալին:
