ԿԺԴՀ-ը վերստին փորձարկել է փոքր հեռահարությամբ հրթիռ
Հարավկորեական Renhap լրատվական գործակալության փոխանցմամբ՝ ԿԺԴՀ-ը վերստին փորձարկել է փոքր հեռահարության հրթիռ: Այս մասին հայտարարել է Հարավային Կորեայի պաշտպանության նախարարության ներկայացուցիչը:
Ենթադրվում է, որ հրթիռն ընկել է Ճապոնական ծովը:
Հրթիռի արձակման ստույգ ժամկետի ու տեսակի մասին ոչինչ չի հաղորդվում: Հարավային Կորեայի պաշտպանության նախարարության ներկայացուցիչների տվյալներով՝ հրթիռն արձակվել է տեղական ժամանակով ժամը 11.00-12.00-ի սահմաններում:
Փորձագետները կարծում են, որ ԿԺԴՀ-ն փորձարկել է KN-02 տիպի հրթիռ, որի գործողության հեռահարությունը կազմում է մինչև 120 կիլոմետր: Արդեն երրորդ օրն է, ինչ ԿԺԴՀ-ն փորձարկում է փոքր հեռահարությամբ հրթիռներ:
